Ísland og Elton John!

 

Ég er á leiðinni til íslands sem barnapía í október. Já, ég er ekkert smá hamingjusöm yfir ad fá ad passa hana Helenu frænku mína. Hún er yndislegt barn  Nú er bara ad velja komu og brottfarardag á Klakann! Jíbíííííí - home -home -home......... 

Fékk upphringingu frá Elton John í gærkvöldi - nei ekki alveg, en  svona næstum því!  Ásgerður dóttir mín hringdi í mig og bauð mér á tónleika með Elton John í Parken  í nóvember! Aftur hrópa ég jibííí   Set Elton á fóninn til ad hita upp

Nú bíð ég bara eftir að einhver bjóði mér í leikhús/bíó/ út að borda(kjúlla á Ken  ) þegar ég kem í heimsókn á Klakann- kraftaverk geta -jú alveg gerst!    

Allt er þegar þrennt er - eða hvað?   

Lífið sjálft!

Hér hjá mér eru afmæli búin ad vera á færibandi. Fyrst varð mamma 75 ára og skaust til mín ásamt pabba. Voru hér í dásemdar vedri og unnu bædi fyrir mat sínum:) Mamma gerdi við tuskuhund litla snádans ásamt júníformi Íþróttaálfsins. Pabbi sópadi alla heimkeyrsluna, sem er afrek út af fyrir sig. Flökkugenin fengu einnig að blómstra hjá þeim gömlu, einnig var búdargenid vel virkt hjá okkur mædgum í ólíkum verslunum á Sjálandi.  Litli snádinn minn vard svo 6 ára 25sept og hélt upp á afmælid med okkur fjölskyldunni, þann dag. Systkynin komu frá Køben og gistu hér eina nótt. þau komu hladin gjöfum og svo hafdi stóra systir sent pakka frá Íslandi.  Já , snádinn fékk marga pakka ,sem er jú mikid atridi á þessum aldri.  Svo var öllum strákunum úr skólanum bodid til veislu í dag. 10 prakkarar komu til veislu sem stód frá klukkan 11 - 15! Vid kisa vorum hálf fegnar þegar, dyrnar lokudust á eftir sídasta veislugestinum. Heimilid líktist ekki lengur fjörugum prakkaravelli -þar sem allt gat gerst.

Ég reyndi ad hafa stjórn á lidinu-en ótrúlegt magn af sykri sem litlu prakkararnir innbyrtu, fengu þá til ad ærslast út um allt!  Ég mætti einum á ganginum á fullri ferd á hlaupahjóli ! Annar var kominn á rúlluskauta í stofunni. Bádir voru stoppadir af -á mjög penan hátt!  Hjólid hjá snádanum, er med sprungid afturdekk, ekki virtist þad hafa nein áhrif á einn drenginn sem þeyttist sem ódur væri hring eftir hring á planinu góda ,ádur en ég gat bent honum á ad þad væri sprungid á hjólinu.  Gamalt hjól med hjálpardekkjum var mikid notad í dag ásamt litla þríhjólinu sem er ekki komid  á haugana ennþá. Prakkararnir skiptu lidi og fóru í skóginn í byssu og skylmingaleik - byssurnar lifdu af leikinn ,en eitt sverdid er í tveimur bútum-meira draslid!

Ein prakkarinn vildi endilega klifra upp í tré - helst svo hátt ad ef hann dytti nidur, þá mundi hann hálsbrotna- annar prakkari vildi bara fót eda handleggsbrotna  ! Mér leist ekki á blikuna og bannadi allt klifur í trjám!  Lugt sem hangir á nagla yfir einu blómabedinu flaug í boga nidur eftir ad einn prakkarinn rak hausinn í hana í hita leiksins. Hann stód vankadur á eftir og sagdi svo "ég heppin ad lugtin brotnadi ekki"  Ég svaradi "ég heppin ad þú og lugtin eru bædi óbrotin:)"  Dásamlegt ad fá svona marga prakkara í heimsókn í einu og enn dásamlegra þegar þeir voru sóttir eftir fjögurra tíma ærsl og læti.

Merkilegt, hve hávær litli snádinn minn er,eins og hann er annars vel gert barn. Kannski er hann med nokkuð mörg Krísuvíkur- gen í sér!!  Ekkert smá hávær ætt!

Ég er eins og sprungin bladra eftir heimsókn prakkaranna og ætla ad hvíla mig vel fyrir næstu heimsókn þeirra-sem er ad ári :)

 

                   

mamma bolabítur!

Eins gott að svona lög eru ekki á Íslandi. Margir foreldrar væru þá í fangelsi og sennilega fleiri á leiðinni.. Veit um þó nokkra foreldra sem hafa "bitið" börnin sín til að  fá þau til að leggja niður þennan hvumleiða sið sem sum börn taka upp á vissum aldri. Ég get næstum svarið fyrir ,að ekkert af því fólki sem ég þekki og hafa "bitið" börnin eru að mínu mati vondir foreldrar. Jafnvel þó þeir hafi bitið börnin sín. Eigum við ekki að segja frekar "látið tennurnar tala" ég vil ekki nota orðið bíta. Enginn var bitinn til blóðs. Allir segja ad þessi aðferð hafi virkað vel og börnin lagt þennan leiða ósið niður fyrir fullt og allt.  Ég hef verið svo heppin að eiga ekki börn, sem bitu önnur börn í tíma og ótíma -hef þess vegna aldrei látið mig dreyma um að bíta börn mín.  

Kannski beit konan í Bretlandi fingur af barninu- kannski stykki úr handleggnum? Hver veit!

Finnst nú full langt gengið ad sitja inni í fimm mánuði fyrir svona verknað, sennilega skaðar það börnin meira en bitið  

Móðir dæmd fyrir að bíta son sinn

Hvað er ég ?

Ég er að velta því fyrir mér hvort ég sé svo vitlaus, að fatta ekki að ég sé hinn argasti rasisti. Aumingja ég ! Best að fara í smá nafla skoðun!

Ég hef ekkert á móti fólki með annan húðlit en ég - hef opnað heimili mitt fyrir einstaklingi frá Afríku.

Fannst fróðlegt að upplifa viðbrögð fólks í kringum mig.Sumir hættu alveg að koma í heimsókn til mín meðan Afríkubúinn var hjá mér . Vegna "svertingjafýlu"  Mér fannst að svoleydis fólk ætti að halda sig heima hjá sér um ókomna tíð.Eitt verð ég þó að segja, Íslendingum til hróss .Ég upplifði aldrei neinn dónaskap þegar við vorum að erindast úti í bæ.  Engin særandi orð féllu -né neinir niggarabrandarar.  Kannski hefur Ísland breyst mikið enda komin um 14 ár síðan.

Ég hef aldrei látið trú manna hafa áhrif á skoðanir mínar á þeim ,sem manneskjum. Hef haftsamtímis undir mínu þaki babtista- mormóna og mig sem trúi á allt sem gott er ,svona hentistefnu trúar. Ef mér finnst fólk ofsafengið í trú sinni -nenni ég einfaldlega ekki að þekkja það. Einungis vegna þess að mér leiðist allt tal um trúmál.  Fólk má trúa á hvað sem það vill fyrir mér  - í friði fyrir mér - ef það fær það til að verða betri manneskjur. 

Ég hef leigt köllum frá Póllandi húsið mitt - þrátt fyrir hávær aðvörunarorð samferðamanna minna. Pólverjar eru ribbaldar og þeir eiga eftir að skila húsinu í rúst!  Mínir Pólverjar voru yndislegir menn sem komu til DK til að vinna sér fyrir aurum á stuttum tíma. Skiluðu húsinu eins hreinu og fínu og hægt er að ætlast til af karlmönnum:) Sönnuðu að ekki eru allir Pólverjar ribbaldar.

Sómalir eru margir hverjir duglegir í dópsölu hér í DK- Hovedbanen er fullur af sölumönnum dauðans, stétt sem ég þoli ekki og hef lítið umburðarlyndi gagnvart. Svo vann ég í 1/2  ár saman með múslima konu frá Sómalíu -við vorum bara tvær á deildinni.  þvílík öðlingskona sem hún reyndist vera -bæði mér og  sjúklingunum. Fordómar mínir gagnvart Sómölum varð ég að endurskoða eftir kynni mín við vinnufélagann.  Til eru perlur meðal svína -ekki er hægt að dæma eftir útliti, trú og þjóðerni.

 En eftir hegðun og framkomu er vissulega hægt ad dæma fólk. Líka Íslendinga. Ég er ekki saklaus af því og aðrir dæma mig einnig eftir minni hegðun, jafnvel skrifum mínum!

Vissir trúarhópar hafa á þessari öld, látið ófriðlega og framið glæpi í nafni  trúar og réttlætis. Ég fordæmi þeirra hegðun og finn hvernig umburðarlyndi mitt gagnvart þeim er komið í algjört lágmark. 

Glæpamenn sem eru á flótta undan réttvísinni vil ég hvorki sjá á Íslandi né hér í DK. Við eigum  nóg með okka eigin glæpamenn,  látum vera að flytja inn glæpamenn og auka vandann heima fyrir. Hættum að vera svona viðkvæm og aumingjagóð.  þorum að segja okkar skoðun án þess að allt sem maður segir, sé túlkað sem útlendingahatur. Ég er sjálf útlendirngur í DK og upplifi inn á milli virkilega óvild í okkar garð- sérstaklega á meðan uppgangstímarnir voru á Íslandi. Magasín var erfiður biti fyrir Danina að kyngja- þeim fannst við vera að kaupa dönsku þjóðarsálina á silfurfati. Stundum fannst mér Danir vera uppfullir af öfund og nú hlakkar í þeim sömu vegna fjármálaerfiðleikanna heima á Klakanum. En ekki eru allir eins ,hér er líka fullt af fólki sem er virkilega spennt fyrir Íslandi og þeirri þjóð sem þar býr og óskar okkur velgengni.

Einmitt, er ekki velgengni það sem við óskum að öll mannanna börn búi við. Eigi ofan í sig og á. þurfi ekki að vera á flótta frá sínum heimkynnum vegna skoðanna sinna. Hafi fullt tjáningarfrelsi og stundi vinnu sér til framfæris. Heima á Íslandi erum við í fullum rétti til að gaspra um okkar skoðanir á mönnum og málefnum- tjá okkur um allt og ekkert.  Virðum hvort annað -skoðanir og meiningar.

Föllum ekki í þá gryfju að dæma fólk sem ekki eru okkar skoðanabræður og systur. Fögnum frekar allri umræðu og þeir sem eru svo gáfaðir að vera alltaf og æfinlega boðberar réttrar stefnu í öllum málum -njótið heil og lifið í lukku  

Eftir stend ég enn með spurniguna:er ég rasisti?

Heimur versnandi fer.

Loks kom að því að fleiri rollur voru í réttunum ,en fólki. Loksins heyrðist tónfagurt meeeeee í stað misjafnra tóna ,misfullra manna. Skál fyrir sauðkindinni

Hundblautar Ölfusréttir

Rasistar á ferð?

Stríðsmenn Islam virðast vera hinir örgustu rasistar. Sprengja og drepa sem flesta, er kjörorð þeirra. Helst útlenginga. Útlendinga fyrirlitning þeirra er augljós.  Vörubíll fullur af sprengiefni talar sínu máli.  Ég sem hélt að Pakistanar væru svo miklir heimsmenn, vel upp aldir og prúðmenni hin mestu. Spurning vaknar hjá mér - hvað í veröldinni fékk mennina til að sprengja upp vörubílinn við hótelið og myrða saklaust fólk? hver er tilgangurinn? Er einhver tilgangur með svona fáránlegum og tilgangslausum glæpum? Er svona glæpur Guði þeirra þóknanlegur? Finnst mannskepnan vera komin út á hættulega braut ef hægt er að fremja svívirðilega glæpi í nafni trúarinnar -áríð2008  

Íslömsk samtök segjast bera ábyrgð á sprengjuárás

lögga -lögga!

það verður seint á dönsku lögguna logið! Njósnarar í frítímanum:)

Danskir lögreglumenn í njósnaleiðangri í Malmö

klukku-blogg

 

 Takk fyrir klukkið systir góð!

Fjögur störf sem ég hef unnið um ævina:

Barnapía (frá 10 ára aldri og er enn að passa börn )

Sveitastörf -frá A- Ö (Yfir 25 ára reynsla þarna)

Heildsali (er enn að)

Social og sundhedsassistent (vinn á sjúkrahúsi -get ekki slitið mig frá faginu) 

 

 

Fjórar bíómyndir sem ég held upp á:

Stella í orlofi

Fram í sviðsljósið (Being there, með Peter Sellers)

Allar myndir med Steve Martin

Englar alheimsins

Fjórir staðir sem ég hef búið á:

Hafnarfjörður

Villingaholtshreppur

Reykjavík

Kaupmannahöfn

Fjórir sjónvarpsþættir sem mér líkar:

Vild med dans

Klovn

Dýralífsþættir, almennt

2900 Happiness

Fjórir staðir sem ég hef heimsótt í fríum:

Ísland

Grænland

USA

Kína

Fjórar síður sem ég skoða daglega (fyrir utan bloggsíður):

mbl.is

visir.is

www.lysslottet.dk

www.bt.dk

Fernt matarkyns sem ég held upp á:

Flatkökur með hangikjöti

steiktur fiskur med miklum lauk og nýjum kartöflum

flæskesteg með öllu tilheyrandi

Íslenskt lambakjöt með öllu tilheyrandi

Fjórar bækur/blöð sem ég les oft:

Lyfjahandbókin

Helse

Søndag

Vegir viskunnar

 

Fjórir staðir sem ég vildi helst vera á núna:

Bensínstöðin í Ártúnsbrekkunni (pylsa með öllu)

Hong Kong

Laufengi 88

rúminu mínu

 

Fjórir bloggarar sem ég klukka:

Kristin Birna

Ásgerður Eir

 Sólveig Kristín

Gullilitli

 

Hræðilegt!

Aumingja kínversku fjölskyldurnar sem eiga börn sem eru fórnalömb þeirra, sem viljandi blönduðu eiturefni í þurmjólkina-  Er hægt að komast öllu lægra í gróðafíkn! Einhvernveginn finnst manni maður eigi að geta 100% treyst að þurrmjólk sé í lagi. Nú veit alheimurinn að svo er ekki. Nú er bara spurning hve mörg ungbörn deyja og hve mörg börn lifi af, en með skemmd nýru. Maður fyllist sorg þegar maður les svona fréttir!  

Fjórða barnið látið í Kína

Hjálpum fólkinu, að hjálpa sér !

Hvernig væri að hraða gangi mála - leyfa fólkinu að vinna á bráðabyrgðaleyfum uns mál þeirra eru komin á hreint. Enginn er sæll af að slæpast lengi án vinnu og möguleikanum að sjá fyrir sér. Varla eru allt ótýndir glæpamenn sem vilja koma til Íslands? En eitt skil ég ekki -hvers vegna er skítugt hjá blessuðu fólkinu- ætti að vera nógur tími til að halda húsinu hreinu - varla ætlast flóttafólkið til að fá heimilisaðstoð til að gera hreint  hjá sér ,einu sinni í viku.    

Hælisleitandi kostar 6500 á dag