Birna Guðmundsdóttir

Ekkert smá óheppin !

Byrjaði daginn eins og venjulega. Vaknaði og tók stefnuna á klósettið, sennilega ekki verið nógu vel vöknuð og hágeng. Flækti mig í snúru sem tilheyrir rafmagnsofni sem er á ganginum, flaug í fallegum boga upp í loft og lenti med aðra hendina ofan í plastboxi og hina einhvernvegin undir mér. Auðvitað puttabrotnaði ég á hendinni sem ég hlunkaðist ofan á -en er skrækjandi aum í hinni hendinni. Hélt fyrst að ég væri brotin á báðum ! Vissi samt fljótlega, að varla gæti það verið.. það hljóta að vera takmörk fyrir því hve maður getur verið óheppin í heimahúsaslysi. Var ekkert á því að fara á skadestuen. Skynsemi mín, er voðalega skrítin þegar ég sjálf á í hlut, Fannst bölvað pjatt ad vera ad ónóda lækni svona snemma dags, med einhverja smámuni. En þegar litli puttinn á vinstri höndinni vildi engu hlýða og stóð sem stakur putti, aleinn með ákveðnar tilhneygingar til vinstri, vissi ég að örlög mín væru ekki umflúin. Svona vinstrisinnaður putti þyrfti rækilega skoðun. Er á skadestuen var komið var ég spurð hvort ég héldi að ég væri brotin. Já allavega á lilla putta, svaraði ég . En sennilega hef ég bara fengið vænt högg á hina hendina, um úlnliðinn. Lillinn var myndaður og reyndist brotinn. Nú er hann bundinn fastur við baugfingur og enginn útrásar né vinstri sveifla leyfð. Svona bundinn verður hann, uns hann hættir þessari vinstri sveiflu. Er ágæt í puttanum á vinstri og úlnlið hægri handar, á meðan verkjatöflurnar virka. Var meira að segja svo góð að ég keypti síðustu jólagjafirnar í dag og nú er bara a0 fara að pakka inn. Verst að ég skræki og Jesúsa mig ,þegar ég reyni að klippa pappírinn. Bara að bíða eftir að verkjatöflurnar fari að virka og bíta á jaxlinn. Litli snáðinn minn var með í jólainnkaupunum og hann sá um að opna gosflöskur fyrir múttuna- merkilegt hve sumt er erfitt í dag sem ég hef tekið sem sjálfsagðan hlut fram á daginn í dag. Ætli ég verði ekki orðin betri á morgun!

Flokkur: Dægurmál | 14.12.2008 | 19:49 | Facebook

Athugasemdir

Æ Æ ekki eru nú þetta góðar fréttir en ég vona að þér líði betur og puttirnn grói sem fyrst og hin hendin líka

Baráttukveðja með ósk um góðan bata

Gylfi Björgvinsson, 14.12.2008 kl. 20:38

Takk Gylfi fyrir gódar óskir. Hid jákvæda er, ad nú er ég komin í jólafrí:) Reyndar svolítid kvalarfullt frí - minna verdur úr verki í hreinsunnardeildinni en ég ætladi ! Kannski ég gefi mér tíma til ad líta í bók. Stundum dettur mér í hug ad örlögin grípi inn í þegar madur hefur keyrt á of miklum hrada í lífinu. Nú er komid ad mér ad slaka svolítid á:)

Birna Guðmundsdóttir, 15.12.2008 kl. 00:06

Held þetta sé nú bara rétt hjá þér þetta með örlögin. Geturðu ekki látið aðra stjana svolítið við þig og haldið þér við bókina Jólin koma vertu viss

Gylfi Björgvinsson, 15.12.2008 kl. 09:18