Draumalandið

Fór í bíó í gær. Byrjaði á að fá bullandi hausverk vegna ofurhávaða á meðan auglýsingar voru keyrðar yfir áhorfendur. Gleypti tvær verkjatöflur og lagaðist á staðnum. Myndin já, undarlega fáránleg á köflum. Finnst við hafa verið barnalega einföld í orðum og æði. Ég er hvorki álsinni né hörð á móti áli - verksmiðjur eru góðar í hófi. Hægt er að loka verksmiðjum ,einn tveir og þrír, en landið sem eyðilagt er -er að eilífu horfið.  Framámenn eru hafðir að fíflum í myndinni- kannski eru þeir bara einfaldlega fífl!  Viðskipti og vinátta er eitthvað sem ekki fer saman. Álrisarnir koma sínum vilja fram með hjálp "góðra" manna og kvenna. Einkennilegt hve okkur er tamt að snobba fyrir útlendingum, næstum brjóstumkennanlegt á að horfa.

 En hvað sem myndinni leið, fór ég út úr bíóinu með gleði í hjarta -kannski hafði það bara ekkert með myndina að gera! Lifum lífinu -við komumst hvort sem er ekki lifandi frá því!     

Athugasemdir

[Unnur María Hjálmarsdóttir (IP-tala skráð) 20.4.2009 kl. 09:51]

Góðan dag Birna