Geitungar og ég !

Ég er sjúklega hrædd við geitunga! En bara í ágúst. Ég las nefninlega einhversstaðar að geitungar væru  árásargjarnir og alveg æstir í að stinga fólk í ágúst  Auðvitað er ég hrædd við geitunga allt árið- ekki spurning. Meira að segja meðan þeir eru sofandi í vetrardvala. þeir gætu rumskað af værum blundi ,geðvondir og ringlaðir í hausnum ! Brjálaðir í að stinga einhvern og auðvitað væri þessi einhver , ÉG  Ég byrja að fylgjast náið með dagatalinu og geitungunum síðustu dagana í júlí. Treysti ekki alveg á að geitungarnir kunni á dagatal og bíði til 1. ágúst með að stinga mig!  Mér finnst ég sjá breytingar á geitungunum strax um miðnætti þann 31. Júlí  þeir renna sér að mér eins og orustuvélar -með broddinn tilbúinn, geta varla beðið eftir 1. ágúst!.  Ég legg alltaf á flótta. En engin miskunn er í gangi hjá þeim. þeir elta mig samviskusamlega ,alveg sama hvert ég fer. Ég hef á flótta mínum undan geitungunum, hellt yfir mig sjóðandi heitu kaffi, ísköldum bjór, pizzu og óteljandi öðrum matvælategundum. Ég hef dottið á hausinn þrisvar sinnum á flóttanum, klemmt mig á hurð og ráðist á hurð! En aldrei verið stungin af geitungi ! Nú er kominn ágúst mánuður enn einu sinni. Geitungarnir sem varla hafa sést hér í sumar, flögra nú í bunkum fyrir utan gluggana hjá mér. Sennilega eru þeir allir að bíða eftir að komast inn og kíkja á dagatalið hjá mér !

Nú ætla ég, að leika laglega á þá- hef  júlímánuð á öllum dagatölum í húsinu!.   l           

Athugasemdir

[Anna Þóra Jónsdóttir, 7.8.2008 kl. 13:00]

Þoli engar flugur...og elska kisur, finnst ég því eiga heilmikið sameiginlegt með þér, þó ég þekki þig ekkert. Gaman að lesa bloggið þitt. Kíki örugglega aftur á þig.