Sólvangur og Suðurgatan.

Ég fæddist á Sólvangi fyrir um hálfri öld. Innfæddur Gaflari og er stolt af því! Eftir helgina byrja ég að vinna á áður nefndum stað. Er komin eins nærri uppruna mínum og mögulegt er. Ætla að vaka á meðan aðrir sofa. Sofa á meðan aðrir vinna. 

Er ennþá á upprifjunarflippi með litla snáðanum mínum. Nú var Suðurgatan tekin fyrir.Húsin sýnd og allt í einu hoppuðu öll börnin sem bjuggu í húsunum fyrir 40-50 áum ljóslifandi fram í minningunni. Glöð og kát í leik. Feluleik við húsið sem er skreytt með mósaiki. Ég sé mig standa með hendina upp við vegginn og höfuðið hvílandi á handleggnum ,með lokuð augun. Teljandi upp að hundrað. Einn du runnnn sex sjö átta níu og tíu! Allir sem vettlingi gátu valdið, hlupu og földu sig. Við vorum oft á bilinu 10-20 krakkar sem tóku þátt í leikjum fallegra sumarkvölda á Suðurgötunni. Merkilegt hve minnningarnar geta allt í einu orðið ljóslifandi, börnin raunveruleg og upplifun minninganna notalega skýr. Forvitni mín er vakin. Hvar eru börn Suðurgötunnar í dag?  Ég held sambandi vid nokkrar stelpur ,en hvar eru hin" börnin" stödd í lífinu? 

Við ættum kannski að hittast á ný ,koma fram úr lífsins feluleik. Eiga kvöldstund saman.

 

   

      

Athugasemdir

[Gylfi Björgvinsson, 2.3.2009 kl. 09:37]

Góð frásögn hjá þér Birna.  Til hamingju með vinnunna og gangi þér allt í haginn með vökuna.

 Ég held að við ættum að setja svona frásagnir niður á blað þó ekki væri nema fyrir börnin okkar. Við gleymum þessum  leikjum og því sem við gerðum okkur til dægrastyttingar eða bara gamans. Ég  er sjálfur búinn að skrifa helling frá minni  æsku, svo mikið að það er efni í heila bók. Veit samt ekki hvort það verður bók allavega er þetta til þó ég detti  út he he. Þjóðfélagsmynstrið er svo rosalega breytt og bara flest annað líka. Hvað finnst þér? 

[Gudrún Hauksdótttir, 2.3.2009 kl. 11:17]

Tetta er skemmtleg upprifjun hjá tér vinkona.Man tá tíd í Kópavoginum.Sama hjá okkur í brennó á kvöldin allir í hverfinu saman á öllum aldri.Dásamlegt bara.

Gangi tér vel á nýjum vettvangi.

hilsen fra Hyggestuen ,Jyderup