Framtíðin!

Framtíðin glottir við tönn! Kosningar framundan, án neinna loforða um breytingar. Allir sem einn verða að kjósa, nota atkvæðið sitt. helst af einhverri skynsemi og með breytingar í huga! Mitt líf breytist ekki mikið við kosningarnar. Held ég. Hér er sennilega ekki minn staður í framtíðinni. Hvað framtíðin ber í skauti sér ,er jú ómögulegt að segja.

Byrja eins árs "afplánun" í maí , búin að binda mig í ár, hér á Klakanum, í vinnu.   Fæ kannski að upplifa íslenskt sumar, gamaldags útilegu í tjaldi.Veit reyndar ekki hvort nokkur maður á tjald sem maður getur fengið lánað. Allir hentu grimmt úr geymslunum í góðærinu. Ég vil gamaldags útilegu , tjald , prímus, já svona útilegu "Palli var einn í heiminum" Fá að upplifa fuglasöng og kyrrðina undir léttu spili frá læk sem liðast við tjaldskörina. Langt frá sumarbústaðabyggð  og heitum sullupottum. Verða drukkin af náttúrulegri upplifun, finna sálartetrið endurnýjast. Ég sé þetta í hyllingum og hlakka til sumarsins! 

Elskurnar mínar,rok og rigning er engin hindrun til ad njóta lífsins í útilegu- I love it !!                    

Athugasemdir

[Gylfi Björgvinsson, 17.4.2009 kl. 21:30]

Veit num fínan stað fyrir svona aðstæður sem þú nefnir, það þarf reyndar að hafa svolítið fyrir því að komast þangað en vel þess virði. Þetta eru Þjófadalir þar er allt sem þú nefnir  en engir bílar ekkert sem minnir á núið bara Lóan, Spóinn og þú,,,,,, yndislegt

[Birna Guðmundsdóttir, 18.4.2009 kl. 20:35]

Gylfi, takk fyrir ábendinguna -en hvar nákvæmlega eru þessir dalir  sem heita svona skemmtilegu nafni?

[Gylfi Björgvinsson, 19.4.2009 kl. 10:49]

Þjófadalir eru við gamla Kjalveg, þá var farið frá Hvítárnesi til Hveravalla upp með Fúlukvísl og á þeirri leið eru Þjófadalir. Í dag liggur kjalvegur mun austar eða austan við Strýtuhraun. Í dag eru þjófadalir vinsæl gönguleið þeirra sem ganga  gamla Kjöl og eins þeirra sem fara með hestaferðir þarna um. Þó er búið að friða þessa dali fyrir rekstrum þannig að hestamenn geta aðeins ríðið þar í gegn en fylgdr rhestar sem eru varla færri  en 3 á hvern mann verða að fara nýja reiðleið fram hjá Þjófafelli. Í Þjófadölum er skáli Ferðafélags Íslands þannig að þar getur maður notað hreinlætisaðstöðu. Það má segja að Þjófadalir séu austan undir Langjökli. Þú keyrir til Hveravalla og velur þar veg sem er merktur F735  og er alveg fólksbílafær ekur ca 10 km þá eru komin á stað sem heitir Þröskuldur og sérð niður í Dalinn, þarft að labba ca 40 mín niður að Skála. svo er hægt að velja sér stað til að tjalda á hvar sem er í dalnum. Ég mundi bara ekki vera nálægt götunum sem liggja um dalinn miðjan ef hópur hestamanna ættu leið um sem er reyndar ekki líklegt.

Þarna hef ég sennilega komist næst því að vera einn  í heiminum svo mikil er kyrðin þarna.

Enn ég var þarna eitt sinn fyrir mörgum árum í 10 daga og var að vinna við að leggja nýjan  reyðveg austan Þjófafells þegar Þjófadalir voru friðaðir. Þá kynntist ég þessum yndislega stað.