enginn meiddi sig

Skil ekki alveg af hverju einhver hefði átt að meiða sig. Vélin lenti ,jú heilu og höldnu. Frábærir flugmenn hjá Flugleiðum!  

Sneri við og lenti í Keflavík

hræðilegt

Hvað skuldaði maðurinn?? Mætti alveg fylgja fréttinni hvort hann skuldaði dópsalanum sínum peninga. þá rauk samúð mín út um gluggann ! Varla eru bankarnir farnir að berja kúnnana sína- eftir smá ökuferð í Heiðmörkina ?  

Handrukkarar misþyrmdu manni

Hamagangur í kerlunum

Stórundarlegt hve margir reyna að opna hurðir flugvéla í flugi. Já ,vilja jafnvel ekki lifa lengur og allt útaf einum tvöföldum. Ekkert líf framundan -bara kasta sér út og njóta flugsins og útsýnisins á leiðinni niður    Einu sinni var mér sagt að ekki væri möguleiki að opna hurðir flugvéla í háloftunum vegna þrýstingsins. Einhver sem er mér fróðari um hurðir í flugvélum, endilega láttu í þér heyra. Ætla að tryggja öryggi mitt og hlamma mér við eina hurðina næst þegar ég flýg..fer allavega enginn út um hana!  

Flugdólgar reyndu að opna dyr

Jólin koma!

"Bráðum koma blessuð jólin" ég er eiginlega að verða léttgeggjuð og er ég nú nógu geggjuð fyrir. Sit í Danmörkunni í hitanum og sólinni og reyni að ímynda mér hvað fólk í Danmörku og Íslandi vilji hafa í jólapökkunum næstu jól. Sit með sveittann skallann -segi nú svona og reyni ad sjóða saman lista yfir vörur sem ég ætla ,að gætu verid innihaldið í næstu jólapökkum. Dettur einna helst í hug klakar, því mér er svo ferlega heitt. Held ég sé að fá hitaslag Get einhvernveginn ekki fengid mig til að hugsa um vörurnar sem ég flyt inn -kerti sem skipta litum og bangsa, sem eftir ferd inn i örbylgjuna  eru yndislega heitir  og róandi fyrir óþekka krakka og stressaða foreldra með vöðvabólgu.  Kertin eru jú litaglöð í skammdeginu og í kreppunni sem er skollin á er sennilega frábært ad geta kveikt á kerti sem upphefur rómantíkina - vermir hýbýlin og gleður augað. Svo er bara auka kostur -gerir ekki gat á pyngjuna.  Ég verð að reyna að koma mér í jólastemmingu og set íslensk jólalög á en ekkert hjálpar það.  Kínverjarnir bíða í verksmiðjumum eftir pöntunum frá mér og er farið að klæja í puttana eftir verkefnum. Kínverjar sofa aldrei og svara alltaf  e-mailum á nóinu -á meðan pöntunarferlið er í gangi. Eftir það er sett í hæga gírinn -enda koma jólin aftur og aftur -já á hverju ári. Óþarfi að æsa sig yfir smámunum, eins og seinum sendingum   Bréfaskiptin fara fram á skemmtilega bjagaðri ensku (hjá mér líka) og svo er spennandi hver útkoman verður. Heppin að oftast eru einhver númer tengd vörunni. En svo er alls ekki alltaf og það er eins rússnesk rúlletta að opna pakkana frá þeim fyrirtækjum. Stundum spretta upp hlutir sem ekki voru í pöntuninni. Fjarlægðin gerir erfitt að skila og sorry -sorry verður að duga sem afsökun yfir mistökunum.  Kínverjar eru merkilegt fólk og gaman að versla við þá. En mér finnst þeir með þreytta sál og  Íslendingar komast ekki með tærnar þar sem þeir eru með hælana í vinnustunda fjölda á viku.  Úpps komin út fyrir efnið- JÒLIN og pakkana! Kannski laumar einhver á smellinni hugmynd um innihald jólapakka á næstu jólaum?

Hvað er eiginlega að mér,!! Er hugsunin ordin steikt af hita! Bangsarnir eru líka frábærir beint úr frysti -reyndar við verkjum- held ég skelli einum inn í frystirinn og noti hann til að kæla mig niður Áður en ég bráðna!!!

Gleðileg jól 

Flottar myndir

Gaman að heyra að svona flottar myndir seljist vel- gæti alveg hugsað mér svona fallega mynd upp á vegg heima hjá mér. Sendi ykkur á Sólheimum kærar kveðjur og ósk um velgengni í framtíðinni:) 

Mennirnir hans Einars slá rækilega í gegn

merkilegt

Hefði ekki verið nær að senda elginn í afvötnun og eplabann. Sennilega hinn mesti sakleysingi ódrukinn. 

merkilegt

Hefði ekki verið nær að senda elginn í afvötnun og eplabann!  Sennilega hinn mesti sakleysingi ódrukkinn.

Drukkinn elgur réðist á stúlku

Húmorinn týndur!

Varla nokkuð merkilegt a­ð svona mynd birtist. Svolítið skoplegt að teiknimyndir séu aðalhættan í heiminum í dag. Mennirnir med blýantana eru orðnir mun hættuegir heimsfriðinum en vel vopnadir hermenn!En öllu gríni fylgir einhver alvara.Myndin vekur okkur til umhugsunar. Sem er jú bara gott mál!

Skopteikning veldur uppnámi

sorglegt en satt!

Menningarheimar og trúarskoðanir rekast stundum alvarlega á. Fáfræðin og múgæsingin í löndum hryðjuverkaleiðtoganna er ógn við okkur vesturlandabúa- ógn sem ber að taka alvarlega. Hræðilegt að svona fólk sé til.    

Krónprins biður um eyðileggingu

Hvar er fólkið?

Einu sinni þekkti ég fullt af fólki á Íslandi. Í dag finnst mér ég vera hálfgerður útlendingur í eigin föðurlandi. Fólkið sem ég einu sinni þekkti einhvernveginn gufar upp þegar maður flytur burtu. Fyrstu árin hringir maður oft "heim" og fær fréttir af vinum og kunningjum. Fyrir mig þýddi það himinháa símareikninga enda margir sem ég gjarnan vildi halda sambandi við. Árin liðu og í dag eru mjög fáir sem ég hringi í og enn færri sem í mig hringja.  Ég er ekki hluti af veröldinni heima á Klakanum. Minn heimur er hér í Danmörku. En hér er ég og verð alla tíð útlendingur -hvort sem að mér líkar það betur eða verr. Ég get reyndar farið huldu höfði og fallið inn í fjöldann, ef ég þegi. En upp um mig kemst er ég læt út úr mér nokkur orð. Ég hljóma öðruvísi , er með hreim. Íslenskan hreim! Jú það er alveg hægt adð skilja mig-en stundum er fjárans danskan bæði erfið mér og innfæddum dönum. þeir skilja stundum ekki hvorn annan. Sem mér finnst alveg stórmerkilegt. Ég hef semsé lent í hlutverki túlksins á milli innfæddra Dana. Annar kom frá Jótlandi og hinn var það ,sem er jú það allra flottasta, frá Kaupmannahöfn. Danskan er leiðinda tungumál, allavega finnst mér framburðurinn erfiður. Ég tala lítalausa dönsku inn í kollinum á mér !  Er alveg eldklár og æfi mig vel og vandlega í hljóði. Ætti eiginlega að halda mig við hljóðlausa dönsku þegar ég læt orðin fara í gegnum raddböndin á mér verda þau svo svakalega íslensk og upp um mig kemst. Já, ég er nefninlega útlendingur.  Um daginn var ég spurð hvort ég kæmi frá Bornholm. Spurningin kom frá einum af mínum skjólstæðingum. Yndislegri konu sem er 101 árs.  Ég var einmitt nýkomin frá Bornholm og vissi upp á hár hvernig hreimurinn er á þessari yndislegu eyju. Svolítið Íslendingalegur -harður og hrár. þar sem ég er gagntekin af Bornholm  -játaði ég að ég væri frá Bornholm. Vonandi fyrirgefst mér að ég afneitaði uppruna mínum, vegna þess að ég er eiginlega Bornholmari í hjarta mínu. Alveg yndisleg eyja -næstum eins falleg og Ísland. Bara betra veður á sólskinseyjunni.

 

p.s. Ef einhver af kunningjum mínum frá Íslandi sér bloggið, má sá sami alveg hafa samband -ef áhugi er fyrir hendi!